Երևանի Մարտիրոս Սարյանի անվան հ.86 հիմնական դպրոց

ԴՊՐՈՑ

Դեկտեմբերի 15th, 2017

Պատմություն

Թամանցիների` այժմ Բագրատունյաց փողոցի վրա գտնվող երկհարկանի փոքրիկ շենքի փոխարեն 1962 թ. շահագործման  հանձնվեց նոր գեղեցիկ քառահարկ շենքը: Սեպտեմբերի 1-ին 1762 աշակերտներ սկսեցին ուսումնական պարապմունքները հ. 86 միջնակարգ դպրոցի նոր, լուսավոր, հարմարավետ շենքում: Դպրոցն ուներ 42 դասարան: Դասերն անց էին կացվում երկու հերթով: Դպրոցի աշխատանքներն այս ուս. տարում ղեկավարում էր Ռոզա Մարտիրոսյանը: 1963-1964 ուստարի. Դպրոցի աշխատանքներն ստանձնեց նոր դիրեկտորը Արտաշես Ղանթարչյանը:

Դպրոց հրավիրվեց վրձնի մեծ վարպետ ԽՍՀՄ Ժողովրդական նկարիչ Մարտիրոս Սարյանը` դպրոցում աշակերտների նկարչական ցուցահանդեսի բացմանը մասնակցելու կապակցությամբ:

Տարիներ անց 1976թ-ի փետրվարի 28-ին հմ. 86 դպրոցը անվանակոչվեց Մարտիրոս Սարյանի անունով:  Այդ օրվանից դպրոցին տրվեց գեղարվեստի թեքում:
1986-1987 ուստարի  Արտաշես Ղանթարչյանն անցավ վաստակված հանգստի: Դպրոցի տնօրեն նշանակվեց փոխտնօրեն Կիմա Մարտիրոսյանը, որը շարունակեց դպրոցի գեղեցիկ ավանդույթները:

1988թ.-ի երկրաշարժ: Դպրոցն ապրում էր երկրի հոգսերով: Կիմա Մարտիրոսյանը ակտիվ մասնակիցը եղավ այդ հոգսերին: Նա ակտիվորեն մասնակցում էր նաև երկրի քաղաքական կյանքին: Ընտրվեց ԽՍՀՄ Գերագույն խորհրդի դեպուտատ և համադրեց դպրոցի տնօրենի և դեպուտատի աշխատանքները:
1994թ. սեպտեմբերի 13-ին Կիմա Մարտիրոսյանին փոխարինելու եկավ գործող տնօրեն Անահիտ Շառոյանը: Նրան հանձնվեց ցրտից և անբարենպաստ պայմաններից ավերված անմխիթար վիճակում գտնվող մի շենք: Նա իր քրտնաջան աշխատանքով վերականգնեց հ. 86 դպրոցի երբեմնի հեղինակությունը:

2015թվականից մինչ այսօր դպրոցի տնօրենն է Նվարդ Հակոբյանը: